Un Boneriano ta orguyoso di su isla. Mantenshon di e karakter outéntiko ta bai man den man ku desaroyo di Landgoed Bolivia.
Boneiru, for di 2010 un munisipio di Hulanda, tin e ambishon di bira e promé “Blue Destination” na mundu. E kantidat di inisiativa pa proyektonan duradero ku ta tumando lugá na Boneiru ta habriendo e kaminda pa un “circular economy”.
Puntonan esensial di maneho insular ta: un kambio struktural di turismo masal pa turismo di kalidat, amplia e produkto turístiko kreando oportunidat rekreativo duradero tur parti riba e isla, produkshon di produktonan alimentativo remplasando importashon.
“Kaminda ku tin mester e naturalesa lo wòrdu rekuperá i protehá kontra di iroshon òf distrukshon”
Protehá
E intenshon di Landgoed Bolivia ta kuadra perfektamente ku e ambishonnan aki. Kaminda ku tin mester e naturalesa lo wòrdu rekuperá i protehá kontra di iroshon òf distrukshon. Rutanan pa kanamentu i pa kore baiskel lo ta asesibel pa e amantenan di naturalesa i esnan ku ta buska trankilidat. E rutanan aki lo perkurá tambe pa e naturalesa vulnerabel no ta bou di preshon di e komedónan di e vegetashon silvester. Entrada di e tereno patrimonial lo keda asesibel pa e habitantenan di Boneiru i pa e turistanan via di e entradanan original.
Balansa
Reservando sufisiente tereno pa agrikultura lo kontribuí na e lucha di gobiernu insular di Boneiru pa bira menos dependiente di importashon di fruta i berdura. Konstruyendo mas o menos 95 bibienda pa aña lo añadí un meskla di kas riba e merkado eksistente. Esaki lo mehorá e balansa di demanda pa un kas. Hasiendo esaki Landgoed Bolivia lo kumpli ku e mishon: desaroyo manteniendo naturalesa i kultura.
