Ku eksepshon di e dos Parkenan Nashonal, naturalesa di Boneiru ta bou di preshon. Puntonan di lánsa pa desaroyá Landgoed Bolivia ta pa fortalesé flora i fauna i engrandesé e variedat biológiko.
Naturalesa na promé lugá. Ta pesei a hasi kaba diferente studio di e situashon di flora i fauna. Diferente eksperto a grafiká ku presishon e áreanan di hopi balor. Konklushon: pa desenia hopi parti di naturalesa a bai perdí pero ku ainda no ta lat pa duna e area su karakter original bèk.
“Kasi 80% di e tereno ta un area trankil i ketu. Apesar ku gran parti di esaki lo keda asesibel pa diferente forma di rekreashon responsabel (kanamentu i siklismo)”
Konekshon bèrdè
Den e plan a tene kuenta ku esaki. Lo proyektá e tereno di tal manera ku lo tin bon konekshon ku Washington-Slagbaai i e mangroven di Lac. Kreando koredónan bèrdè (kamindanan di kunuku) entre e bibiendanan lo aselerá rekuperashon di tantu e vegetashon original (mondi tropikal, yatu i kadushi) i di e bestianan vulnerabel manera lora, prikichi i otro paranan te ku ratonnan di anochi i yuana. Ku e kamindanan aki nan habitat lo bira mas grandi.
Area trankil i ketu
Kasi 80% di e tereno ta un area trankil i ketu. Apesar ku gran parti di esaki lo keda asesibel pa diferente forma di rekreashon responsabel (kanamentu i siklismo) i fasilidatnan edukashonal, lo bai tuma medida di prekoushon pa evitá distrukshon di naturalesa – por ehempel – raton djanochi ku ta habitá e kuebanan. Kaminda ku ta nesesario lo restourá e partinan ku kabritu, buriku i otro bestia a daña. E roinan tambe lo wòrdu drechá di un forma ku awaseru lo no hiba lodo laman i daña koralnan.
Experto riba tereno di naturalesa
Di mes lo evaluá tur plan si nan ta kumpli ku regulashon di protekshon di naturalesa. E expertonan riba tereno di naturalesa lo keda involví den desaroyo di esaki. Lo konsultá tambe ku organisashonnan di medio ambiente i di naturalesa. Un organisashon profeshonal lo ta enkargá ku maneho di e tereno patrimonial pa loke ta trata naturalesa.
